၂၄ - ပဋ္ဌာန်းစာဝါ

၁၃၇၃ ခုနှစ်၊ သီတင်းကျွတ်လပြည့်ကျော်တစ်ရက်၊ ၂၀၁၁ ခု၊ အောက်တိုဘာ ၁၃ ရက်၊ ကြာသပတေးနေ့။ အဲ့တော့ သီတင်းကျွတ်လပြည့်ကျော်တစ်ရက် ကြာသပတေးနေ့ စာဝါတွေပြန်ဆက်တယ်ဆိုတော့ အင်မတန်အဆင်ပြေသွားတာပေါ့။ အဲ့တော့ တပည့်တော်တို့ အခုလဆန်း ၁၂ ရက်နေ့တုန်းကတော့ စာဝါတွေနားပြီး ဒီအသောကမင်းမျိုးနဲ့စပ်ပြီးတော့ အခုစာအုပ်စာမျက်နှာအဆက်၊ ဒီရုပ်ကွယ်စရာနဲ့ ပါဠိတော်တွေကို ထုတ်ပြခဲ့တယ်။ အဲ့ဒီထုတ်ပြခဲ့တာလေးကို ခပ်ပါးပါး ခပ်ကျဉ်းကျဉ်း တစ်ခေါက်လောက်ပြန်ပြီးတော့ ပြောကြဦးစို့ရဲ့။ ဘာလဲဆိုလို့ရှိရင် ကြားထဲမှာ ကိုယ်တော်တို့ သုံးရက်ကြီးလောက်တောင် ပိတ်သွားတယ်ဆိုလို့ရှိရင် အပျော်ကြိုက်တဲ့ပုဂ္ဂိုလ်တွေက အတော်ပဲမေ့လိုက်သွားနိုင်မယ်ပေါ့။ ဟုတ်တယ်မဟုတ်လားဗျာ။ မှန်ပါ။ အပျော်ကြိုက်တဲ့ပုဂ္ဂိုလ်တွေက တော်တော်မေ့တယ်။ တော်တော်မေ့တယ်ဆိုတာက၊ မေ့တယ်ဆိုတာက ဘာလဲဆိုလို့ရှိရင် နိဗ္ဗာန်မှာမေ့လျော့ခြင်းပေါ့ဗျာ။ ဟုတ်လား။ အဲ့တော့လည်းပဲ အပျော်ကြိုက်တဲ့ပုဂ္ဂိုလ်တွေပေါ့၊ အဲ့ဒါမေ့သွားလောက်ပြီပေါ့။ ဒါကြောင့်မို့လို့ နိဗ္ဗာန်လောကုတ္တရာစိတ် ရှစ်ခုထဲက နိဗ္ဗာန်မဂ်လေးခုဟာ ကျေးဇူးပြုမယ်ဆိုရင် နိဗ္ဗာန်နာမမဂ္ဂ။ အဲ့တော့ အဲ့ဒီစာမျက်နှာ ၁၇ က အဲ့ဒီအလေးအမြတ်ပြုတတ်တဲ့ဥစ္စာတွေက အောက်ထိအောင်မဆွဲတာက အဲ့ဒီမှာ နိဗ္ဗာန်ကနေပြီးတော့ ဟိုဘက်က မဂ်သော်လည်းကောင်း၊ ဖိုလ်သော်လည်းကောင်း ကျေးဇူးပြုတဲ့အခါမှာ ဂရုံကတွာ မပါဘူး။ ပါရဲ့လား။ မပါပါဘူးဘုရား။ မပါဘူး။ ဂရုံကတွာဆိုတဲ့စကားမပါလို့မို့လို့ နိဗ္ဗာန်နာမမဂ္ဂ။ ဒါကြောင့်မို့လို့ အဲ့ဒီအကုန်လုံး အောက်ဆွဲမချတာ၊ အောက်အပြည့်ဆွဲမချတာဖြစ်တယ်ပေါ့။ ဒါကြောင့် နိဗ္ဗာနံ မဂ္ဂဿ အဓိပတိပစ္စယေန ပစ္စယော။ နိဗ္ဗာနံ ဖလဿ အဓိပတိပစ္စယေန ပစ္စယော။ နိဗ္ဗာန် မဂ်အားကျေးဇူးပြုစဉ် နိဗ္ဗာနံ မဂ္ဂဿ ပစ္စယေန ပစ္စယော။ နိဗ္ဗာန် ဖိုလ်အားကျေးဇူးပြုဆိုရင် နိဗ္ဗာနံ ဖလဿ အဓိပတိပစ္စယေန ပစ္စယော။ နောက် အရဟတ္တမဂ်သည် အလေးအမြတ်ပြုတတ်သည့် မဟာကိရိယာ ဉာဏသမ္ပယုတ္တစိတ်လေးခုအား ကျေးဇူးပြုစဉ် အရဟတ္တမဂ္ဂံ ဂရုံကတွာ ပစ္စဝေက္ခတိ။ အရဟတ္တဖိုလ်သည် အလေးအမြတ်ပြုတတ်သည့် မဟာကိရိယာ ဉာဏသမ္ပယုတ္တစိတ်လေးခုအား ကျေးဇူးပြုစဉ် အရဟတ္တဖလံ ဂရုံကတွာ ပစ္စဝေက္ခတိ။ နိဗ္ဗာန်သည် အလေးအမြတ်ပြုတတ်သည့် မဟာကိရိယာ ဉာဏသမ္ပယုတ္တစိတ်အား အလေးအမြတ်ပြုစဉ် နိဗ္ဗာနံ ဂရုံကတွာ ပစ္စဝေက္ခတိ။ တကယ့်တကယ်တာ ကိုယ်တို့နားလည်အောင်လို့ ကျေးဇူးပြု၊ ပြုတတ်၊ ကျေးဇူးပြုတာအနေနဲ့ အဲ့လိုပြောပေးတာ။ တကယ့်တကယ်မေးရင် အဲ့လိုကြီးမေးလို့က စာတတ်ပေတတ်စကားမဆန်ဘူးပေါ့။ ပိုပြီးတော့ ပဋ္ဌာန်းမဆန်ဘူးပေါ့လေ။ စာတော့ဆန်တယ်၊ ပဋ္ဌာန်းမဆန်ဘူး။ တကယ်မေးမယ်ဆိုရင် အလေးအမြတ်ပြုတတ်သည့် မဟာကိရိယာ ဉာဏသမ္ပယုတ္တစိတ်၊ ပစ္စုပ္ပန်တရားကို စတင်ကိုင်မှာပေါ့ဗျာ။ မေးတဲ့အခါကျရင် ဒီတိုင်းမေးလို့ ပဋ္ဌာန်းမဆန်ဘူးလေ။ ဟုတ်တယ်မဟုတ်လား။ မှန်ပါ။ ဒါကြောင့် အလေးအမြတ်ပြုတတ်သည့် မဟာကိရိယာ ဉာဏသမ္ပယုတ္တစိတ်လေးခုက အရဟတ္တမဂ်၊ အရဟတ္တဖိုလ်၊ နိဗ္ဗာန်ကို အလေးအမြတ်ပြုပုံကို ပါဠိအသီးသီး၊ ဝီထိအသီးသီးနဲ့ တွဲစပ်ဖော်ပြပါ။ သူတို့မေးချင်မေးမှာပေါ့။ ဟုတ်တယ်မဟုတ်လား။ ဒါ ခုနလိုတော့မေးမှာမဟုတ်ဘူး။ မေးရင် အဲ့ဒီလိုမေးမှာ။ အခု ဒီတစ်ခါ ဒါတွေပါမှာ။ အဲ့ဒါ သိချင်မှလည်းသိမယ်။ တပည့်တော်တို့ရွာမှာ မကြာသေးခင်အချိန်အခါက ဆုံးပါးသွားတဲ့ ဒကာမကြီးတစ်ယောက်ကတော့ သူက တပည့်တော်တို့အခု "တောမှာ ဘုန်းကြီးတင်တယ်" ဆိုပြီးတော့ ရှိတယ်ဗျို့။ ဓမ္မပဒမှာပါဖူးတယ်မဟုတ်လားဗျ။ ပါဖူးပါတယ်ဘုရား။ အဲ့ဒီလိုပဲ ဘုန်းကြီးတင်တယ်ဆိုတာ ကိုယ်တော်တို့ ဘယ်လဘယ်ရက်တင်သလဲဆိုတော့ တစ်ယောက်မှမသိဘူး ဒီထဲ။ ဟမ်။ ဘယ်ရက်လဲသွားပြီ။ ကိုင်း၊ တစ်ယောက်မှမသိဘူး။ ဘုန်းကြီးတင်တဲ့လရက်သိတဲ့လူဆိုလို့ရှိရင် ကိုယ်တော်ကို တစ်မှတ်ပေးမယ်။ အဲ့တော့ မေ့ကုန်ပြီ။ ဘုန်းကြီးတင်တယ်ဆိုတဲ့ဥစ္စာ ကိုယ်တော်တို့ရေ၊ ကိုယ်တော်တို့ တောကိုလည်းပြန်ပြီးတော့ မေးကြည့်လိုက်ဦးပေါ့ဗျ။ တပေါင်းလဆန်းသုံးရက်နေ့တဲ့။ ဘယ်နှရက်နေ့ပါလိမ့်။ တပေါင်းလဆန်းသုံးရက်နေ့။ တပေါင်းလဆန်းသုံးရက်နေ့တဲ့။ တပေါင်းလဆန်းသုံးရက်နေ့ကို တပည့်တော်ကတော့ တောမှာပဲ တော်တော်အသက်ကြီးသည်ထိအောင် ကိုယ်တိုင်တောမှာအလုပ်လုပ်ခဲ့တော့ သိတယ်ဗျ။ အဲ့သလိုပဲ တပေါင်းလဆန်းသုံးရက်နေ့ဆိုလို့ရှိရင် အဲ့ဒီအသီးတွေလည်း တစ်ခါတည်း၊ တစ်ချို့အသီး တော်တော်သိနေပြီ။ တစ်ဝက်လောက်သိနေပြီလောက်ရှိနေကြပြီပေါ့လေ။ အဲ့လို အဲ့ဒီတော့ တစ်ခါတလေ တစ်ဝက်လောက်တော့ သိတာလည်း ငယ်ငယ်တုန်းက မှတ်မိသေးတယ်ပေါ့။ အဲ့ဒါနဲ့တင် တပည့်တော်တို့နဲ့ ရင်းနှီးတဲ့ ဒေါ်ပေါက်ကြီးဆိုတဲ့ဒကာမကြီးက အလွန်ရိုးသားတာ။ ရိုးအတာရော၊ ရိုးဖြောင့်တာရော။ အဲ့ဒကာမကြီးက ရိုးတာက ဟိုဘက်က အတာနဲ့လည်းတွဲတယ်၊ ရိုးဖြောင့်တာနဲ့လည်းတွဲတယ်။ အဲ့ဒကာမကြီးက အဲ့ဒါနဲ့အတိုင်း သူက ဘယ်လို အဲ့လိုဘုန်းကြီးတင်တော့ ဘယ်လိုဟောပြီးတော့ သူကသေသေချာချာပေါ့လေ၊ သူများဋီကာတွေလည်း မပြောတတ်ပါဘူးတဲ့။ သူက အဲ့ဒါ ဟိုငါးဖမ်းမကြီးနဲ့တရား အဲ့ဒါကိုဗျ။ ငါးဖမ်းမကြီးနဲ့ လက်ဝါးလောက်မှာတင်ပြီဆိုလို့ရှိရင်တော့ အဲ့ဒီကဥစ္စာသိပြီးတော့ပေါ့လေ။ အဲ့ဒါဘုန်းကြီးကပဲ သိအောင်လုပ်ပေးရမယ်ပေါ့။ အဲ့ဒါတွေကို ပို့ရောက်အောင်လုပ်ပေးရမယ်ပေါ့။ ရာသီဥတုဆိုလို့ရှိရင်တော့ သိပြီးတော့ပေါ့။ အဲ ကိုယ်တော်တို့လည်းပဲ အခုအဲ့ဒါကို ကိုယ်တော်တို့ဒီလောက်ကြည့်လိုက်ပြီဆိုရင်တော့ ဘာလို့လဲဗျ။ ဟင်၊ ဒါတောင်မှ ကိုယ်တော်တို့အဲ့ဒါမသိသေးဘူးဆိုရင် သေပေဦးတော့ပေါ့ဗျာ။ ဟုတ်လား။ ကိုင်း၊ အဲ့ဒီလိုတွေဆိုကြရမယ်ပေါ့။ အဲ့တော့ ကိုယ်တော်တို့ဒီ အောက်ဖိုလ်သုံးခု၊ အောက်ဖိုလ်သုံးခုသည် အလေးအမြတ်ပြုတတ်သည့် မဟာကုသိုလ်ဉာဏသမ္ပယုတ္တစိတ်လေးခုအား ကျေးဇူးပြုစဉ် သကဖလံ ဂရုံကတွာ။ နိဗ္ဗာန်သည် အလေးအမြတ်ပြုတတ်သည့် မဟာကုသိုလ်ဉာဏသမ္ပယုတ္တစိတ်လေးခုအား ကျေးဇူးပြုစဉ် နိဗ္ဗာနံ ဂရုံကတွာ ပစ္စဝေက္ခတိ။ မဂ်ကြဉ်သော ကုသိုလ်ဝတ္ထုပေါ့။ အထက်က လောကီကုသိုလ်ကို အတူပေါင်းပြီးတော့ အကြောင်းပေါင်းလိုက်ပေါ့။ ကုသိုလ်ကနေ ကုသိုလ်ကိုကျေးဇူးပြုမယ်ပေါ့။ မဟာကုသိုလ်ရှစ်ပါးကို အလေးပြုမယ်ဆိုရင်တော့ ကုသလောကုသလ ခြောက်ချက်ပေါ့။ စသည် စသည်အားဖြင့်။ ကိုင်း၊ ထားပါတော့။ ခုနစာတွေ အရင်လဆန်း ၁၂ ရက်နေ့ကလည်း ဆိုခဲ့ပြီးပြီဆိုတော့ ဒါတွေတစ်ခေါက်လောက်ပြန်ပြီးတော့ နားလည်သဘောပေါက်အောင် ဆိုကြည့်ရအောင်။ အဲ့တော့ ဟိုအထက်ဆုံးအုပ်စုထဲသွားရအောင်ပေါ့။ လောကီစိတ်ထဲကလည်းပဲ လောကီကုသိုလ်သတ္တသည် အလေးအမြတ်ပြုတတ်သည့် လောဘမူအား ကျေးဇူးပြုစဉ် ဆိုပြီးတော့ အဲ့ဒါ ကုသလောအကုသလတွေက ဘယ်နှချက်ပါလိမ့်။ ကုသလောအကုသလ ဘယ်နှစ်ချက်တုန်း။ သုံးချက်။ သုံးချက်ရှိတယ်ပြောရမှာပေါ့။ နောက် လောဘမူသည် လောဘမူကို အလေးအမြတ်ပြုစဉ်ဆိုပြီးတော့ အကုသလောအကုသလက နှစ်ချက်ပေါ့။ နောက် ဣဋ္ဌဖြစ်သော နိပ္ဖန္နရုပ် ၁၈ ကို ကာယဝိညာဉ်ကြဉ်သော လောကီဝိပါက် ၃၁၊ ကြိယာဟုတ်သည့် အလေးအမြတ်ပြုတတ်သည့် လောဘစိတ်ရှစ်ခုက ကျေးဇူးပြုစဉ် အဗျာကတောအကုသလဿပေါ့။ တံ အဿာဒေတိ အဘိနန္ဒတိ၊ တံ ဂရုံကတွာ အဿာဒေတိ အဘိနန္ဒတိ၊ တံ ဂရုံကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ အဲ့ထဲမှာ သောတံ ဃာနံ ဇိဝှံ ကာယံ ရူပံ... ပဋိဝတ္တဗ္ဗာ။ ဆိုတော့ ဘာလဲဗျ။ အဗျာကတခန္ဓေ ဂရုံကတွာ အဿာဒေတိ၊ တံ ဂရုံကတွာ ရာဂေါ ဥပ္ပဇ္ဇတိ။ ပစ္စတိ ဥပ္ပဇ္ဇတိဆိုပြီးတော့ ဝิจิกိစ္ဆာတို့ ဥဒ္ဓစ္စတို့ ပါလို့ရမလား။ မရပါဘူးဘုရား။ ဘာလို့လဲဆိုတော့ ပစ္စယုပ္ပန်က လောဘပဲရှိတာလေ။ မှန်ပါ။